မြန်မာ့ရိုးရာ ထမင်းစားပွဲ ယဉ်ကျေးမှုများ။

မြန်မာ့ စားသောက်ဖွယ်ရာများနဲ့ ပါတ်သက်လို့ လေ့လာကြည့်တဲ့အခါ အစားအသောက် မျိုးစုံ ရဲ့ ချက်နည်းပြုပ်နည်းတွေ စုံစုံလင်လင် တွေ့ရပါတယ် ။ ဒါပေမဲ မြန်မာတွေ ထမင်းနဲ့ဟင်းကို လက်နဲ့ နယ်ဖတ် စားသောက်တဲ့အကြောင်း စားသောက်ပုံစားသောက်နည်းတွေကို မတွေ့မိပါဘူး ။

ဂျပန်တွေက ပြောတတ်တယ် သူတို့က စားစရာတွေကို မျက်စိနဲ့ အရင် အရသာခံစားပြီးမှ ပါးစပ်က (လျှာ က) အရသာခံတယ်လို့ ဆိုပါတယ် ။ကျွန်တော်က သူတို့ကို အားကျမခံ "မြန်မာတွေက စားစရာကို လက်က အရင် အရသာခံပြီးမှ ပါးစပ်က အရသာခံတယ်" လို့ ပြော ဖြစ်တယ် ။

ထမင်းလက်ဆုံ စားတယ် ဆိုတာ ဒီလိုလား

လက်လှမ်းမှီသလောက် ကတော့ စားသောက်စရာ ထမင်းစတာတွေကို လက်နဲ့ နယ်ဖတ်ပြီးစားသောက်တဲ့ဓလေ့က အာရှနိုင်ငံတွေမှာဘဲ တွေ့ရပါတယ် ။မြန်မာပြည်ရဲ့ အိမ်နီးခြင်း အနောက်ဖက်က နိုင်ငံတွေမှာတော့ ယခုအထိ ဒီအလေ့က ရှိပါသေးတယ် ။ မြန်မာနိုင်ငံရဲ့ အရှေ့ဖက်အရပ်က ထိုင်း လာအို ကမ္ဘောဒီးယားနိုင်ငံတွေမှာတော့ ဒီဓလေ့က ပျောက်သလောက်ဖြစ်နေပါပြီ ။မြန်မာနိုင်ငံက မြို့အရပ်တွေမှာတော့ ဇွန်းခက်ရင်းယဉ်ကျေးမှုတွေက အတော်လေးနေရာ ဝင်ယူလာတာတွေ့နေရပါပြီ ။

မြန်မာ့ဓလေ့ မြန်မာ့ရိုးရာ ထမင်းစာပွဲမှာ လက်နဲ့စားသောက်တဲ့ အကျင့်ဓလေ့က ရှေးအခါကပင် ရှိခဲ့ပါတယ် ။ မြန်မာ မင်းများ ပွဲတော်တည်တဲ့အခါမှာ လက်နဲ့ဘဲ စားသုံးခဲ့တဲ့ အထောက်အထားတွေ ရှိခဲ့ပါတယ် ။ ဒါပေမဲ့ စားသောက်စဉ်မှာ လိုက်နာရမဲ့ကျင့်ဝတ်တွေကို သတ်သတ်မှတ်မှတ် မှတ်တမ်းများ မထားခဲ့နိုင်တာတွေ့ရပါတယ် ။ ရပ်ဓလေ့ရွာဓလေ့ စားသောက်ပုံ စားသောက်နည်းတွေ ကလည်း သက်ကြီးစကားသက်ငယ်ကြားလို့ လိုက်နာ မှတ်သား ထားတာတွေနဲ့ဘဲ လက်ဆင့်ကမ်းခဲ့ ကြမှတ်သားခဲ့ကြပါတယ် ။ ဒီနေ့ခေတ်လို ပြင်ပ ယဉ်ကျေးမှုတွေ လွှမ်းမိုးလာတော့ မှတ်တမ်းမရှိတဲ့ ယဉ်ကျေးမှု အမွေတွေ ပျောက်ပျက် ကွယ်ပျောက်သွားမှာ စိုးရိမ်စရာပါ ။

အတူစားတဲ့ လူကြီးတွေကို  ဦးစားပေး လေးစားပါ ။

ကျွန်တော်တို့ ငယ်စဉ်က အဖိုးတို့အဖွားတို့နဲ့ အတူတူ ထမင်းစားရတဲ့ အချိန် အရွယ်မှာ ထမင်းစားသောက်စဉ် လိုက်နာရမဲ့ အချက်တွေကို သင်ပြ ဆုံးမတာတွေကို နားထောင်လိုက်နာပြီး ထမင်းကို လက်နဲ့ သပ်သပ်ယပ်ယပ် စားသောက်တတ်အောင် သင်ယူခဲ့ရပါတယ် ။ နောက်နည်းနည်းကြီးလာပြီး ကျောင်းတက်ရတဲ့အချိန်မှာတော့ ထမင်းဘူးနဲ့ စားရပါတယ် ။ထမင်းဘူးနဲ့စားတဲ့အခါ လက်နဲ့နယ်ဖတ်စားရတာက အဆင်မပြေတော့လို့ ဇွန်း တချောင်းနဲ့ စားတဲ့အကျင့်ရလာခဲ့တယ် ။ ဒီကမှ အတန်းတွေကြီးလာပြီး အဆောင်နေရတဲ့ အခါမှာတော့ အဆောင် ထမင်းစားခန်းမှာ ဇွန်းခက်ရင်းနဲ့ စားရတဲ့ အကျင့် ရလာပါပြီ ။

 လက်နဲ့ထမင်းနယ်စားရတာအလေ့အကျင့်နည်းလာပါတယ် ။ကိုယ်အိုးကိုယ့်အိမ် ဖြစ်လာတော့လည်း ထမင်းကို လက်နဲ့ စားဖြစ်တာနည်းသွားပါတယ် ။ နယ်ဘက်တွေ ခရီးသွားလို့ တခါတလေ လွတ်လွတ်လပ်လပ် လက်နဲ့ နယ်ဖတ်ပြီး တွယ်မယ် ကြံ ပြန်တော့လဲ သူတို့တွေရဲ့ ဇွန်းခက်ရင်း ယဉ်ကျေးမှု ကြီးစိုးနေတာ မြို့သားတွေ  လက်နဲ့မစားတတ်ဘူးဆိုပြီး ထင်လေတော့ ဇွန်းခက်ရင်းနဲ့ ဟန်ပါပါ စားပြရသေးတယ် ။ တခါတခါ အလှူမှာ အားရပါးရလက်နဲ့ တွယ်မယ်ကြံပြန်တော့လဲ မြို့ကအလှူ ဒန်ပေါက်က အဆင်မချောပြန်ဘူး ။ ဒါကြောင့် မြန်မာ့ဓလေ့ လက်နဲ့စားတဲ့ထမင်းဝိုင်းအကြောင်းရေးမယ် စိတ်ကူးတော့ ဘယ်ကစရေးရမယ်တောင် မသိတော့ဘူးဖြစ်နေပြီ။

မြန်မာတွေရဲ့ ထမင်းဝိုင်းမှာ စားစရာတွေအပြင် မပါမဖြစ် ပါရမဲ့ အဆောင်အယောင်က ရေတကောင်း (ရေချိုင့် /ရေပုလင်း)သောက်ရေခွက် နဲ့ လက်ဆေးရေခွက် တို့ဖြစ်ပါတယ် ။ ထမင်းစားပွဲမှာ မထိုင်ခင် လက်ဆေးရေကပြင် (လက်ဆေး ဘေစင်) မှာ လက်ကို ပထမ စင်အောင်ဆေးရပါတယ် ။ထမင်းစားပွဲမှာထိုင်ပြီးတဲ့ အခါ ညာဖက်လက်ကို လက်ဆေးရေခွက်မှာ လက်ဖျားရေစိုအောင်ဆွတ်ပြီးမှ ထမင်းကို ကိုင်စားရပါတယ် ။

ငပိရည် တို့စရာဆိုတာ မြန်မာတို့ရဲ့ မမုန်းနိုင်တဲ့အစာ ။

- မိမိနဲ့ တဝိုင်းထဲ အတူထိုင်စားသော လူကြီးသူမများမစားမှီ ဦးစွာ မစားရပါ ။ လူကြီးများခွင့်ပြုမှ လူကြီးများကို ဦးချပြီးမှစားရပါမယ် ။

- ထမင်းပန်းကန် ထဲကို ထမင်းပြည့်မောက်အောင်မထည့်ရပါ ။

 -ပန်းကန်တွင်းသင့်ရုံ ထည့်ထားတဲ့ ထမင်းကို ပန်းကန်ရဲ့ ညာဖက် အောက်နားမှာ သုံးပုံ တစ်ပုံလောက် ခွဲဖယ်ရပါတယ် ။အဲဒီ ခွဲထားတဲ့ ထမင်းပုံလေးကိုမှ စားချင်တဲ့ ဟင်း ဟင်းချို ငပိရည် စတာ တမျိုးမျိုး ဆမ်းထည့်ပြီးမှ တလုပ်ချင်း စားရပါတယ် ။ ထမင်းနဲ့ ဟင်းကို လူမြင်မကောင်းအောင် ရောမနယ်ပါနှင့် ။

- ထမင်းလုပ် ကို သင့်ရုံသာလုပ်ရပါမယ် ။ပါးစပ်မဆန့်အောင် မကြီးရပါ ။

 - ထမင်းနယ်ပြီး ထမင်းလုပ် လုပ်ရာမှာ လက်ချောင်းတွေရဲ့ အဖျားဘက် နှစ်ဆစ်ထိသာ အသုံးပြုပြီး ကိုင်ရပါမယ် ။ လက်ဖဝါးများအထိပေအောင်မကိုင်ရပါ ။

ငပိရည် တို့စရာဆိုတာ မြန်မာတို့ရဲ့ မမုန်းနိုင်တဲ့အစာ 

- ထမင်းလုပ် ပါးစပ်ရှေ့သို့မရောက်မှီ ပါးစပ်ကို ကြိုမဟထားရ ။ ပါးစပ် အကျယ်ကြီးဖွင့်ဟ၍ ထမင်းလုပ်ကို မထည့်ရ ။ထမင်းဝါးနေချိန် ပါးစပ်ပိတ်ထားရမည် ။အသံမထွက်အောင် ဝါးရပါမယ် ။ ပျတ် ပျတ် မည်အောင် မစားရ ။

- ဟင်းခပ်လျှင် အသားတုံးကို တခါခပ်လျှင် တတုံးသာခပ်သင့်ပါတယ် ။ပန်းကန်ထဲ ဟင်းများစွာထည့်မထားရပါ ။ ပန်းကန်ထဲ ဟင်းတုံးများစွာထည့်ထားတတ်သူကို ရှေးလူကြီးသူမများက လောဘကြီးသူဟု ကောက်ချက်ချတတ်ပါတယ် ။

- ဟင်းခပ်လျှင် ဇွန်းကို ထမင်းပေနေသောညာလက်ဖြင့်မကိုင်ရပါ ။ဘယ်လက်ဖြင့် ဇွန်းကိုင်၍ ခပ်ရပါမည် ။

- ဟင်းချို ဟင်းရည် သောက်လျှင် ဇွန်းကို ဘယ်လက်ဖြင့် ကိုင်၍ ခပ်သောက်ရပါမယ် ။ ဟင်းရည်သောက်စဉ် ဇွန်းကို သွားဖြင့် မထိပါစေနဲ့ ။

- ဟင်းရည်သောက်လျှင် အသံမမြည်ပါစေနဲ့ ။ ခပ်ထားသော ဟင်းရည်ကို ကုန်အောင် သောက်ပါ ။ မကုန်ဘဲ ဇွန်းထဲကျန်သောဟင်းရည်ကို ဟင်းရည်ပန်းကန်ထဲကို ပြန်မထည့်မိပါစေနဲ့ ။ ဖြစ်နိုင်လျှင် ဇွန်းကို ဟင်းရည်ပန်းကန်ထဲ ပြန်မထည့်မှီ မိမိ ထမင်းပန်းကန်ပေါ်တွင် အရည်စစ်ပြီးမှပြန်ထည့်လျှင်ပိုကောင်းပါတယ် ။

 -  ဟင်းခွက် ကို လက်ဖြင့်မနှိုက်ရပါ ။ တို့စရာ အသီးအရွက် ယူချိန်တွင် ညာလက်ဖြင့်ယူပါ လက်တွင် ထမင်းလုံးမကပ်ပါစေပါနဲ့ ။ ထမင်းစားနေစဉ်အတွင်း လက်ချောင်းများတွင် ထမင်းလုံးများ မကပ်နေပါစေနဲ့ ။ ထမင်းလုံးများကွာကျစေရန် လက်ချောင်းလေးများအချင်းချင်း ပွတ်၍ ခွာချရမည်။ ပါးစပ်ဖြင့် လက်ချောင်းများကို စုတ်ခြင်းလျှက်ခြင်း မလုပ်ရပါ ။

 - အသားတုံး ကို လက်ဖြင့်ဖဲ့၍တစ်လုပ် တစ်ကိုက်စာသာ စားပါ ။ အသားတုံးကို သွားဖြင့် ကိုက်ဖြတ်ရန်လိုလျှင် ရှေ့သွားဖြင့် ကိုက်ဖြတ်ပါ ။ အံသွားဖြင့်ကိုက်ပြီး လက်ဖြင့်ဆွဲဖြတ်ခြင်းမလုပ်ရပါ ။ ဖဲ့ ဖြတ် မရသော အသားတုံးကို ပလုပ်ပလောင်း ပါးစပ်တွင်းထိုးသွင်းပြီး မစားရပါ ။

 - အရိုးများကို အရိုးပန်းကန်တွင်း၌ သာ ထည့်ရမည် ။ စားပွဲခုံပေါ်သို့မချထားရပါ ။

 - ထမင်းစားနေစဉ် စားပွဲပေါ်မှ ဟင်းခွက်များကို ဟိုရွှေ့ ဒီရွှေ့ မလုပ်ရ ။ လူကြီးများမှလိုအပ်လျှင် ရိုရိုသေသေ ကမ်းပေးရပါမယ် ။

  - ထမင်းစားစဉ် ထမင်းပန်ကန်ကို ဘယ်လက်ဖြင့် ကိုင်မထားပါနဲ့ ။ထမင်းပန်းကန်ရဲ့ နောက် မိမိရင်ဘတ်ရှေ့စားပွဲပေါ်တွင် လက်ကိုတင်ထားပါ ။ အဲဒီလက်ကို အားပြုပြီး ထမင်းစားပွဲပေါ်ကို မမှီထားပါနှင့် ။ ကိုယ်ကို မတ်မတ် ထိုင်ပါ ။ ကိုယ်တစောင်းမထိုင်ပါနဲ့ ။တည့်တည့်ထိုင်စားရပါမယ် ။

  - စကားများများ မပြောရပါ ။ ပါးစပ် ပလုပ်ပလောင်းဖြင့် စကားမပြောရပါ ။ သလိပ်ဟပ်ခြင်း ချောင်းဟန့်ခြင်းမပြုရပါ ။

  - မိမိစားပြီးသော်လည်း အားလုံးစားပြီးသည်အထိစောင့်ပါ ။ စားပြီးချိန်တွင် လက်ကို စားပွဲဘေးရှိလက်ဆေးရေခွက်တွင် ဆေးပါ ။ လက်ဆေးရေ ညစ်ပါတ်နေလျှင် သောက်ရေခွက်ဖြင့် လောင်း၍ အနည်းငယ်ဆေးနိုင်ပါတယ် ။ ပြီးမှ လက်ဆေးရာနေရာ ရေကပြင် (လက်ဆေးဘေစင်) တွင် လက်ကို စင်အောင်ဆေးပါ ။ လက်မဆေးဘဲ စားပွဲမှ ထမသွားသင့်ပါ ။ လက်မဆေး ပါးစပ်မသုတ် ဘဲ ရေမသောက်ရပါ ။

ဒီနေရာမှာ ကျွန်တော် လက်ဆေးတဲ့နေရာ ရေကပြင် အကြောင်းကို ကြုံတုန်း ပြောပြချင်ပါသေးတယ် ။ မြန်မာရှေးအသုံးမှာ ရေသုံးတဲ့နေရာတွေကို ရေကပြင်လို့ ခေါ်ဝေါ်ကြပါတယ် ။ အခုခေတ်တော့ ဒီစကားသုံးတာ သိပ်မတွေ့ရတော့ပါ ။ မြန်မာတွေရဲ့ ရှေးအိမ်တွေမှာ ရေသုံးတဲ့ ရေကပြင် သုံးနေရာ ရှိတတ်ပါတယ် ။

၁ ။ ခြေဆေးတဲ့ ရေကပြင် ။ အိမ်ရှေ့ လှေခါးရင်းတွင်ရှိပြီး အိမ်ပေါ်မတက်ခင် ခြေဆေးရတဲ့နေရာပါ ။ရေအိုးနဲ့ ရေမှုတ်အရိုးရှည် နဲ့ အပြင်ကအပြန် ခြေဆေး ရပါတယ် ။ခုခေတ်တော့ ဘုန်းတော်ကြီးကျောင်းတွေမှာ တွေ့ရတတ်ပါတယ် ။မသိသူတွေက သောက်ရေအိုးနဲ့ အမှတ်မှားသောက်မိမှာစိုးလို့ပါ။

၂ ။ လက်ဆေးရေကပြင် ။ အိမ်မကြီးရဲ့ ခြေရင်းဖက် ခြေကျော်ပေါက် အပြင်ဘက် ဝရံတာမှာ ရှိပါတယ် ။တချို့အရပ်မှာတော့ သောက်ရေအိုးစင်နဲ့ပါတွဲထားတတ်ကြတယ် ။ လက်ဆေးရေသုံးဖို့အတွက်က ရာဝင် စဥ့်အိုးနဲ့ ရေဖလား ရှိပါတယ် ။လက်ဆေးရေသုံးသလို မနက် အိပ်ရာ ထ မှာလည်း မျက်နှာသစ် သွားတိုက် စသဖြင့် သုံးတတ်ကြပါတယ် ။

၃ ။မီးဖိုချောင်သုံး ရေကပြင် ။ မီးဖိုချောင်နဲ့ တွဲရက် ရှိပြီး ချက်ပြုတ်ရေး အတွက် ရေသုံးတဲ့နေရာပါ ။ နောက်ဖေးဆောင်နဲ့အတူ အိမ်နောက်ထွက်ပေါက်လည်း ရှိတဲ့နေရာပါ ။

ခုတော့ လက်ဆေးတဲ့ရေကပြင်နေရာမှာ လက်ဆေးကန် ဘေစင် ကနေရာဝင်ယူလာသလို မီးဖိုချောင်က ရေကပြင်နေရာမှာလဲ ပန်ကန်ဆေးတဲ့ ဘေစင် တွေ နေရာယူလာပြီ ဆိုတော့ မြန်မာ့ဓလေ့ တဖြည်းဖြည်း ကွယ်ပျောက်လာပြီး လူတွေက ခေတ်မှီလာတယ်ပြောပေမဲ့ ချစ်စရာ့ မြန်မာ့ ဓလေ့တွေ ရှာမရဖြစ်ရတယ်။

နွေဦး အမြင် ပါ ။