ယုံကြည်ရာ...

ဒီကိစ္စက အငြင်းပွါးရမဲ့ အကြောင်း ကစခဲ့တာပါ..။

အဖေကြီး နေမကောင်း ဖြစ်ပြီး ချောင်းဆိုးလိုက် မောလိုက်နဲ့ပေါ့..

သားတွေ သမီးတွေ ချွေးမတွေ သားမက် တွေ က ဝိုင်းပြီး စိတ်ပူရတဲ့ အခြေအနေ …

အိမ်မှာနေ မဖြစ်ချေဘူး ဆေးရုံတက် ဆေးစစ်ပြီး ဆရာဝန်နဲ့ ပြသ ကုသ ရမယ်ပေါ့..

အဖေကြီးကို ချစ်ကြတဲ့ သားသမီး ချွေးမသားမက်တွေက တယောက်တမျိုး ..

သူ့ဆရာဝန်က တော်တယ် သူ့ဆေးရုံက ကောင်းတယ်နဲ့ …

ဒီကစလို့ ငြင်းနေကြတော့တာပါဘဲ..

အမေကြီးကတော့ ယောက်ျား ကို သနား သားသမီးတွေကို မလွန်ဆန်နိုင်တာကြောင့်

ကောင်းသလို အဆင်ပြေသလို လုပ်ကြဖို့ ဘာမှ ဝင်မဆုံးဖြတ်ပေးနိုင် ဘူး..။

နောက်ဆုံးတော့ နံမယ်ကြီးဆေးရုံ တခုကို အားလုံးသဘောတူ တင်လိုက်ကြပါတယ် …။

ဆေးစစ်ပြီးအဖြေထွက်လာတော့ အားလုံး မျက်လုံးမျက်ဆံ ပြူးကုန်ကြတာပေါ့ ..။

ဘယ့်နယ့် လေးလုံးခြောက်ဖက် ဆေးလိပ်မသောက် အရက် မသောက်တဲ့ အဖေကြီးက

အဆုတ် ကင်ဆာ ဖြစ်နေပြီး နောက် သုံးလ အလွန်ဆုံးဘဲတဲ့..။

ငိုကြ ယိုကြ ငြင်းကြခုံကြ ဆုတောင်းကြနဲ့ မိသားစုတွေ ရုံးရင်းဆန်ခတ် ပေါ့…။

အမေကြီးကတော့ အဖေကြီး မသေခင် သက်သာရာသက်သာကြောင်း နိုင်ငံခြားကို ဆေးကုသွားတယ်..။

မိသားစုတွေက လုပ်ငန်းတွေ မအားလို့ မလိုက်နိုင်ကြဘူး..။

ကျန်ခဲ့တဲ့ သမီးတွေ ချွေးမတွေက အဖေကြီးအတွက် အလှူတွေ လုပ် ဆုတောင်း ကြတာပေါ့..

တပါတ်တခါလောက် သူတို့ ယုံကြည်တဲ့ ဘုရားကို အိမ်ကိုပင့် အလှူလုပ် ဆုတောင်း သစ္စာအဓိဌာန် ပြုလို့

အဖေကြီး ကျန်းမာစေကြာင်းပေါ့.. ။

သမီးတွေက တယောက်နဲ့ တယောက်က အပြိုင် ..

သူကဟို ဘုရားပင့် ရင် ငါက ဒီဘုရားပင့်တယ် ဆိုပြီးဖြစ်နေကြတယ်..

ဒီကြားထဲ ချွေးမတွေကလဲ အပြိုင်ပေါ့..။

တချို့ဘုရားတွေဆို ရက်ချိန်းမရလို့ အိမ် မကြွ နိုင် တာကို ပင့်သွားတဲ့ အိမ်ထိ လိုက်ပြီး အဓိဌာန် ဝင် ဆုတောင်းကြတာပေါ့..

အဖေ့အတွက် လုပ်ပေးနိုင်တာက ဒါဘဲ ရှိတယ် မဟုတ်လား…။

သူတို့တွေ အပင်ပန်းခံရကျိုး နပ်တယ် ပြောရမလားဘဲ..။

တရက် မေကြီးဆီက အဖေကြီး နေကောင်းလို့ မကြာခင် ပြန်လာတော့မယ်လို့ အကြောင်းကြားလာတော့.

သားတွေ သမီးတွေ ချွေးမတွေ သားမက်တွေမှာ ပျော်လိုက်ကြတဲ့အဖြစ် မြင်စေချင်မိတယ်..။

သမီးတွေ ချွေးမတွေ ကတော့ စိတ်ပုတီးကို လက်ကမချတော့.. ယောဂီ ဝတ်ကို မချွတ်တော့ ..ဥပုဒ်လဲ မထွက်တော့..

လေဆိပ် မှာ အဖေကြီး ကို ကြို ..

အိမ်ပြန်ရောက်တော့ လူနာသတင်းလာမေးကြတဲ့ မိတ်ဆွေတွေကို

မမောနိုင် မပန်းနိုင် အဖေကြီးရဲ့ ရောဂါ အကြောင်း ပြောပြ ကြတာပေါ့…။

မိတ်ဆွေတွေကလည်း ၃ လဘဲ ခံတော့မဲ့ သူတို့ မိတ်ဆွေ ကင် ဆာ ရောဂါ သည်ကြီး

ဒီလို ပြန်ပြီး ကျန်းမာလာတာကို ဝမ်းသာသလို အရမ်းလဲ အံ့သြ မိကြောင်း ပြောကြတာပေါ့..

သမီးကြီးက အဖေကြီး ဒီလို ပြန်ကောင်းလာတာက သူ --- ဘုရားကို အိမ်ပင့် အလှူလုပ် ဥပုဒ်သီလ စောင့် သစ္စာအဓိဌာန် တွေ လုပ်ပြီး ဆုတောင်းခဲ့လို့ ပါ လို့ ပြောပြတာပေါ့..

ဒီမှာ သမီးလတ်ကလဲ သူ့ရဲ့ ဘုရားတန်ခိုးကြောင့် ဒီလိုကောင်းလာတာပါလို့ ပြောပြန်ရော..

သမီးငယ်ကလဲ သူ့ရဲ့ ဘုရားကြောင့်..

ချွေးမတွေကလဲ သူတို့ရဲ့ ဘုရားတွေကြောင့်…

ဆိုပြီး..

အငြင်းပွါးကြတော့တာပါဘဲ….

ခုချိန်ထိလဲ သူတို့ရဲ့ ဘုရားတွေက ဘယ်လို ပင့်ပြီး ဘယ်လို ပူဇော်ရင် ဘယ်လို တန်ခိုးကြီး တယ်ဆိုတာ ပြောနေကြလေရဲ့..

သူတို့ က အဖေကြီး ကို ပြပြီး ကိုယ်တွေ့ မို့လို့ ပါဆိုတာပေါ့.. ။

ပါတ်ဝန်းကျင် က သိတဲ့ မိတ်ဆွေတွေက လဲ မျက်မြင်မို့ ယုံကြည်ကြတာပေါ့…။

….

….

အမေကြီးနဲ့ အဖေကြီးကတော့ သူတို့ သားတွေ သမီးတွေ ရဲ့ ယုံကြည်နေတာတွေကို မပျက်စေချင်တော့

ဘန်ကောက် ဆေးရုံက ပေးလိုက်တဲ့ ဆေးကုသမှု မှတ်တမ်းကို သူတို့မမြင်အောင် သေခြာ သိမ်းထားလိုက်တာပေါ့..။

တကယ်လို့ သူတို့သာ ဆေးမှတ်တမ်းမှာ အဆုတ်လေပြွန်ရောင် လည်ချောင်းကွဲ ရောဂါ ကို ကုသပေးလိုက်တယ် ဆိုတာ ကို တွေ့ခဲ့ ရင်………။

…

….

…

(သူတပါး ယုံကြည်မှုကို မိမိကြောင့် မပျက်စီးစေပါနှင့်..။)